తెలంగాణ: రాజీవ్ యువ వికాసం దరఖాస్తుల గడువు పెంపు
ఏప్రిల్ 14 వరకు గడువు పొడిగింపు – డిప్యూటీ సీఎం భట్టి విక్రమార్క
తెలంగాణ ప్రభుత్వం రాజీవ్ యువ వికాసం పథకానికి దరఖాస్తుల గడువును ఏప్రిల్ 14 వరకు పెంచింది. రేషన్ కార్డు ఉన్నవారికి ఆదాయ ధృవీకరణ పత్రం అవసరం లేదని డిప్యూటీ సీఎం మల్లు భట్టి విక్రమార్క ప్రకటించారు.
ఆఫ్లైన్ దరఖాస్తుల స్వీకరణకు ఆదేశం
డిప్యూటీ సీఎం భట్టి విక్రమార్క అధికారులను ఆఫ్లైన్ దరఖాస్తులు కూడా స్వీకరించాల్సిందిగా ఆదేశించారు.
➡️ సోమవారం రాష్ట్ర ఉప ముఖ్యమంత్రి భట్టి విక్రమార్క, సీఎస్ శాంతి కుమారి జిల్లా కలెక్టర్లతో వీడియో కాన్ఫరెన్స్ ద్వారా సమీక్ష నిర్వహించారు.
➡️ సర్వర్ సమస్యల కారణంగా దరఖాస్తుదారులు ఇబ్బంది పడకుండా, ఆఫ్లైన్ దరఖాస్తులు స్వీకరించి ఎంపీడీఓ, తహసీల్దార్ కార్యాలయాల ద్వారా ఆన్లైన్లో నమోదు చేయాలని సూచించారు.
➡️ ఈ పథకాన్ని సమర్థవంతంగా అమలు చేసేందుకు ప్రత్యేక ఐఏఎస్ అధికారిని నియమించాలని సీఎస్కు డిప్యూటీ సీఎం సూచించారు.
➡️ ఎస్సీ, ఎస్టీ, బీసీ, మైనారిటీల దరఖాస్తులను ప్రత్యేకంగా పరిశీలించాలని ఆదేశించారు.
2018 నాటి పెండింగ్ దరఖాస్తులపై స్పందన
➡️ 2018లో ఎస్సీ, ఎస్టీ కార్పొరేషన్ ద్వారా దరఖాస్తు చేసుకున్న కొందరికి యూనిట్ మంజూరైనా, సబ్సిడి విడుదల కాలేదు.
➡️ ఆ దరఖాస్తులను తిరస్కరించి, మళ్లీ దరఖాస్తు చేసుకునే అవకాశం కల్పించామని తెలిపారు.
ఈ మార్పులతో రాజీవ్ యువ వికాసం పథకం మరింత మందికి చేరువ అవుతుందని ప్రభుత్వం తెలిపింది.
About the Author
