జమ్మికుంట మండలం వావిలాల ప్రాథమిక ఆరోగ్య కేంద్రం పరిధిలోని వావిలాల గ్రామం లో ప్రపంచ క్షయ వ్యాధి దినోత్సవం సందర్భంగా అవగాహన ర్యాలీ నిర్వహించారు. ఈ ర్యాలీ డాక్టర్ రాజేష్ (వైద్యాధికారి) ఆధ్వర్యంలో St. మేరీ ఉన్నత పాఠశాల విద్యార్థులు, ఉపాధ్యాయులు, ఆరోగ్య శాఖ అధికారులు పాల్గొన్నారు.
విద్యార్థులు “టి.బి అంతం – మన అందరి పంతం”, “టి.బి రహిత సమాజాన్ని నిర్మిద్దాం”, “టి.బి పరీక్షలు ఉచితం – మందులు ఉచితం” వంటి నినాదాలతో గ్రామ వీధుల్లో ర్యాలీ నిర్వహించారు.
టి.బి లక్షణాలు & జాగ్రత్తలు
ర్యాలీ అనంతరం పాఠశాలలో డాక్టర్ రాజేష్, హెల్త్ ఎడ్యుకేటర్ అడిదెల మోహన్ రెడ్డి విద్యార్థులకు క్షయ వ్యాధి (TB) లక్షణాలు, నిర్ధారణ, చికిత్సపై అవగాహన కల్పించారు.
టి.బి ప్రధాన లక్షణాలు:
✔️ రెండు వారాలకుపైగా దగ్గు
✔️ జ్వరం, రాత్రిపూట చెమటలు
✔️ బరువు తగ్గడం, ఆకలి కోల్పోవడం
✔️ అలసట, శరీరంలో నిస్సత్తువ
✔️ దగ్గులో రక్తపు మరకలు
సలహాలు:
🔹టి.బి అనుమానిత లక్షణాలు ఉంటే అవసరమైన పరీక్షలు ఉచితంగా అందుబాటులో ఉన్నాయి.
🔹వైద్యుల సూచన మేరకు నియమితంగా మందులు వాడాలి.
🔹వ్యక్తిగత పరిశుభ్రత పాటించాలి, హాయిగా ఉండేందుకు సౌకర్యవంతమైన గాలి, వెలుతురు ఉండే ప్రదేశాల్లో ఉండాలి.
వడదెబ్బ & ఆరోగ్య చిట్కాలు
🔸వేడుకల సందర్భంగా వడదెబ్బ (Heat Stroke) లక్షణాలు, తీసుకోవాల్సిన జాగ్రత్తల గురించి వివరించారు.
అంతేకాదు, విద్యార్థులు “మానవహారం” (Human Chain) ఏర్పరిచి టి.బి నిర్మూలన ప్రతిజ్ఞ చేశారు.
ఈ కార్యక్రమంలో డాక్టర్ రాజేష్, హెల్త్ ఎడ్యుకేటర్ మోహన్ రెడ్డి, పాఠశాల ప్రధానోపాధ్యాయులు సిద్దు గేరోజ్, హెల్త్ సూపర్ వైజర్లు సదానందం, కుసుమ కుమారి, స్టాఫ్ నర్స్ సాయికుమార్, ANM రమ, ల్యాబ్ టెక్నీషియన్ రామకృష్ణ, ఆశా కార్యకర్తలు సుమలత, రమ, మణి, ఉపాధ్యాయులు, విద్యార్థులు పాల్గొన్నారు.
About the Author
