ఇల్లందకుంట సీతారామచంద్రస్వామి ఆలయ హుండీ ఆదాయం రూ. 3.85 లక్షలు
ఇల్లందకుంట, మార్చి 16 (zindagi9news):
కరీంనగర్ జిల్లా ఇల్లందకుంట మండల కేంద్రంలోని శ్రీ సీతారామచంద్రస్వామి దేవస్థానంలో సోమవారం హుండీ లెక్కింపు నిర్వహించారు. గత ఆరు నెలల పది రోజుల కాలానికి (06/09/2025 నుండి నేటి వరకు) భక్తులు సమర్పించిన కానుకల ద్వారా ఆలయానికి రూ. 3,85,202 ఆదాయం వచ్చినట్లు అధికారులు వెల్లడించారు.
అధికారుల పర్యవేక్షణలో లెక్కింపు
దేవాదాయ ధర్మాదాయ శాఖ కరీంనగర్ డివిజన్ పరిశీలకుడు పి. సత్యనారాయణ పర్యవేక్షణలో ఈ లెక్కింపు జరిగింది. ఆలయ కార్యనిర్వహణాధికారి (EO) కె. సుధాకర్, ఆలయ పునరుద్ధరణ కమిటీ చైర్మన్ ఇంగిలే రామారావు మరియు కమిటీ సభ్యుల సమక్షంలో హుండీలు తెరిచి నగదును లెక్కించారు.
ఈ కార్యక్రమంలో ఆలయ అర్చకులు శేషం వంశీధరాచార్యులు, మడికొండ నవీన్ కుమార్ శర్మతో పాటు ఆలయ సిబ్బంది ముల్లారెడ్డి, సురేందర్ రావు, ప్రవీణ్, రమేష్, రాజేందర్ పాల్గొన్నారు. జమ్మికుంటకు చెందిన రాజరాజేశ్వరీ సేవా సమితి సభ్యులు లెక్కింపులో భాగస్వాములయ్యారు.
About the Author
