పెబ్బేరు, జూన్ 4 (జిందగీ9న్యూస్): వనపర్తి జిల్లా పెబ్బేరు మండల కేంద్రంలోని రేషన్ షాపును అదనపు కలెక్టర్ (రెవెన్యూ) జి. వెంకటేశ్వర్లు ఆకస్మికంగా తనిఖీ చేశారు. బుధవారం జరిగిన ఈ తనిఖీలో రేషన్ సరుకుల పంపిణీ తీరును ఆయన బాగానే పరిశీలించారు.
తనిఖీ సమయంలో రేషన్ షాపు నిర్ణీత సమయానికి తెరుస్తున్నారా? అన్న దానిపై విచారణ చేశారు. మూడు నెలల రేషన్ సరుకులను ఒకేసారి అందిస్తున్నారా అని డీలర్ను అడిగి తెలుసుకున్నారు. తర్వాత లబ్ధిదారులతో నేరుగా మాట్లాడి, పంపిణీ అవుతున్న సన్న బియ్యం నాణ్యతను తెలుసుకున్నారు.
అంతేకాక, కొంతమంది లబ్ధిదారులకు ఇచ్చిన బియ్యం ప్యాకెట్లను స్వయంగా తూకం వేసి పరిశీలించారు. డీలర్ వద్ద ఉన్న తూకాల సామగ్రిని పరిశీలించి నిబంధనలు పాటిస్తున్నారో లేదో తనిఖీ చేశారు.
ఈ సందర్భంగా అదనపు కలెక్టర్ మాట్లాడుతూ,
> “ప్రజలకు నాణ్యతతో కూడిన రేషన్ సరుకులు సరైన తూకంతో అందాల్సిందే. ఇందులో ఎటువంటి నిర్లక్ష్యం చోటు చేసుకున్నా కఠిన చర్యలు తప్పవు” అని హెచ్చరించారు.
బయటి వ్యక్తులకు బియ్యం విక్రయం చేయకూడదని డీలర్లను ఆదేశించారు. అలాగే రేషన్ షాపులో అన్ని రికార్డులు సక్రమంగా నిర్వహించాలని, లబ్ధిదారులకు సకాలంలో సేవలు అందించాలని సూచించారు.
ఈ తనిఖీలు ప్రజలకు మెరుగైన సేవలందించేందుకు ప్రభుత్వం చేపడుతున్న చర్యలలో భాగమని ఆయన పేర్కొన్నారు.
About the Author
