దుండిగల్లో దారుణం: 2 నెలల పసికందును కట్టెల పొయ్యిలో వేసి హత్య
హైదరాబాద్: నగర పరిధిలోని దుండిగల్–బౌరంపేట ప్రాంతంలో హృదయ విదారక ఘటన చోటుచేసుకుంది. రెండు నెలల పసికందును స్వయంగా తల్లే కట్టెల పొయ్యిలో వేసి హత్య చేసిన ఘటన స్థానికంగా తీవ్ర కలకలం రేపింది.
పోలీసుల వివరాల ప్రకారం, చిన్నారి ఏడవకుండా ఉండేందుకు నోట్లో గుడ్డలు కుక్కి, కాళ్లు కట్టేసి అనంతరం కట్టెల పొయ్యిలో పడేసినట్లు ఆరోపణలు ఉన్నాయి. ఈ ఘటనపై సమాచారం అందుకున్న దుండిగల్ పోలీస్ స్టేషన్ పోలీసులు వెంటనే సంఘటనా స్థలానికి చేరుకుని దర్యాప్తు ప్రారంభించారు.
స్థానికుల ఫిర్యాదు మేరకు కేసు నమోదు చేసి నిందితురాలిని అదుపులోకి తీసుకున్నారు. ఘటనకు గల కారణాలపై విచారణ కొనసాగుతోందని పోలీసులు తెలిపారు. కుటుంబ పరిస్థితులు, మానసిక స్థితి వంటి అంశాలపై దర్యాప్తు చేస్తున్నట్లు సమాచారం.
ఈ దారుణ ఘటనతో ప్రాంతంలో విషాద వాతావరణం నెలకొంది. పోలీసులు పూర్తి వివరాలు త్వరలో వెల్లడించనున్నారు.
About the Author
