హైదరాబాద్: మహిళా దినోత్సవాన్ని పురస్కరించుకుని తెలంగాణ ప్రభుత్వం మహిళల కోసం పలు సంక్షేమ పథకాలను ప్రారంభించనున్నట్లు వెల్లడించింది. మార్చి 8న సీఎం రేవంత్ రెడ్డి వివిధ పథకాలకు శ్రీకారం చుట్టనున్నారు.
ప్రధాన పథకాలు:
✅ మహిళా సంఘాలకు ఆర్టీసీ అద్దె బస్సులు – మొదటి విడతలో 50 బస్సులను అందుబాటులోకి తెచ్చేందుకు ప్రభుత్వం సిద్ధమైంది.
✅ మహిళా సంఘాలకు వడ్డీలేని రుణాలు – స్వయం సహాయ సంఘాల అభివృద్ధికి ఈ పథకాన్ని ప్రవేశపెట్టనున్నారు.
✅ పెట్రోల్ బంకుల నిర్వహణ – మహిళా సంఘాలతో పెట్రోల్ బంకులను నిర్వహించే విధంగా చర్యలు తీసుకోనున్నారు.
✅ సోలార్ విద్యుత్ ప్లాంట్లకు వర్చువల్ శంకుస్థాపన – పర్యావరణ హితంగా సురక్షితమైన విద్యుత్ ఉత్పత్తికి ప్రోత్సాహం.
✅ ఇందిరా మహిళా శక్తి-2025 – మహిళా సాధికారత కోసం రూపొందించిన ప్రత్యేక పథకాన్ని సీఎం విడుదల చేయనున్నారు.
✅ 14,000 అంగన్వాడీ టీచర్లు, హెల్పర్ల నియామక నోటిఫికేషన్ – మహిళా ఉద్యోగావకాశాలను పెంచే విధంగా నియామక ప్రక్రియ ప్రారంభం.
ఈ కార్యక్రమాలు రాష్ట్రవ్యాప్తంగా మహిళా సాధికారతకు తోడ్పడేలా రూపొందించారని అధికార వర్గాలు వెల్లడించాయి.
About the Author
