సెప్టెంబర్ 21న ‘చలో భద్రాచలం–ఐటీడీఏ ముట్టడి’
ఆదివాసీల హక్కులు, సంక్షేమం, రాజ్యాంగబద్ధ రక్షణలు కాపాడాలని తుడుం దెబ్బ డిమాండ్
మణుగూరు, సెప్టెంబర్ 17(Zindagi9news): ఆదివాసీల హక్కులు, సంక్షేమం, రాజ్యాంగబద్ధ రక్షణలను కాపాడాలని డిమాండ్ చేస్తూ సెప్టెంబర్ 21న ‘చలో భద్రాచలం–ఐటీడీఏ ముట్టడి’ కార్యక్రమాన్ని నిర్వహించనున్నట్లు తుడుం దెబ్బ రాష్ట్ర ఉపాధ్యక్షులు అలెం కోటి తెలిపారు. ఆదివాసీ ప్రాంతాల్లో పెండింగ్లో ఉన్న సమస్యలను పరిష్కరించి, హక్కులను సమర్థవంతంగా అమలు చేయాలని ఆయన ప్రభుత్వాన్ని కోరారు.
ఈ సందర్భంగా అలెం కోటి మాట్లాడుతూ లంబాడీలను ఎస్టీ జాబితా నుంచి తొలగించాలని డిమాండ్ చేశారు. PESA చట్టాన్ని సమర్థవంతంగా అమలు చేసి గ్రామసభలకు రాజ్యాంగబద్ధ అధికారాలు కల్పించాలని, అటవీ హక్కుల చట్టం (FRA–2006) ప్రకారం అర్హులైన ఆదివాసీలకు హక్కుపత్రాలు అందించాలని కోరారు.
ఆదివాసీల భూములకు రక్షణ కల్పించి భూకబ్జాలను అరికట్టాలని, ఐటీడీఏ పరిధిలో విద్య, వైద్యం, తాగునీరు, రహదారులు వంటి మౌలిక సదుపాయాలను మెరుగుపరచాలని డిమాండ్ చేశారు. ఆదివాసీ యువతకు ఉపాధి, ఉద్యోగాలు, నైపుణ్యాభివృద్ధి అవకాశాలను పెంచాలని, గిరిజన ప్రాంతాలకు కేటాయించే నిధులను పూర్తిస్థాయిలో వినియోగించి అభివృద్ధి పనులను వేగవంతం చేయాలని కోరారు.
అలాగే ST రిజర్వేషన్లు, ఆదివాసీ హక్కులపై చట్టబద్ధమైన సమీక్ష చేపట్టి పారదర్శకంగా అమలు చేయాలని, ఆదివాసీల సంస్కృతి, సంప్రదాయాలు, జీవన విధానానికి రక్షణ కల్పించాలని అలెం కోటి డిమాండ్ చేశారు.
“ఆదివాసీల హక్కుల కోసం భద్రాచలం తరలిరండి” అని ఆయన పిలుపునిచ్చారు. సెప్టెంబర్ 21న నిర్వహించే కార్యక్రమాన్ని శాంతియుతంగా, ప్రజాస్వామ్య పద్ధతిలో విజయవంతం చేయాలని ఆదివాసీ ప్రజలు, యువత, మహిళలు, ప్రజా సంఘాల ప్రతినిధులను కోరారు.
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
