భారత్లో తొలి డెంగీ వ్యాక్సిన్ ‘QDENGA’కు ఆమోదం
జపాన్కు చెందిన టకేడా సంస్థ వ్యాక్సిన్కు డీసీజీఐ గ్రీన్ సిగ్నల్
4 నుంచి 60 ఏళ్ల వారికి రెండు డోసుల వ్యాక్సిన్
డెంగీతో ఆస్పత్రిలో చేరే ప్రమాదాన్ని గణనీయంగా తగ్గిస్తుందని ట్రయల్స్ వెల్లడి
న్యూఢిల్లీ, జూలై 20 (Zindagi9News): భారత్లో తొలిసారిగా డెంగీ నివారణకు వ్యాక్సిన్ అందుబాటులోకి రానుంది. జపాన్కు చెందిన టకేడా ఫార్మాస్యూటికల్స్ అభివృద్ధి చేసిన QDENGA వ్యాక్సిన్కు భారత ఔషధ నియంత్రణ సంస్థ (DCGI) మార్కెట్ అనుమతి మంజూరు చేసింది. దీంతో దేశంలో అధికారికంగా ఆమోదం పొందిన తొలి డెంగీ వ్యాక్సిన్గా QDENGA నిలిచింది.
ఈ వ్యాక్సిన్ను 4 నుంచి 60 ఏళ్ల వయస్సు గల వ్యక్తులకు ఇవ్వొచ్చు. మూడు నెలల వ్యవధిలో రెండు డోసులుగా తీసుకోవాల్సి ఉంటుంది. గతంలో డెంగీ సోకిందా లేదా అనే ముందస్తు పరీక్ష అవసరం లేకుండానే ఈ వ్యాక్సిన్ ఇవ్వవచ్చని టకేడా వెల్లడించింది. ఇది డెంగీ వైరస్కు చెందిన నాలుగు రకాలపై రక్షణ కల్పించేలా రూపొందించబడింది.
క్లినికల్ ట్రయల్స్లో ఈ వ్యాక్సిన్ డెంగీ కారణంగా ఆస్పత్రిలో చేరే ప్రమాదాన్ని గణనీయంగా తగ్గించినట్లు వెల్లడైంది. డెంగీ నియంత్రణలో ఇది కీలక ముందడుగుగా వైద్య నిపుణులు అభిప్రాయపడుతున్నారు. అయితే వ్యాక్సిన్తో పాటు దోమల నివారణ చర్యలు, పరిసరాల పరిశుభ్రత, వ్యక్తిగత జాగ్రత్తలు కూడా కొనసాగించాలని నిపుణులు సూచిస్తున్నారు.
About the Author
