న్యూఢిల్లీ: దేశవ్యాప్తంగా లక్షలాది మంది విద్యార్థులు ఎంతో ఆసక్తితో ఎదురుచూస్తున్న JEE (main) జేఈఈ మెయిన్ 2025 (సెషన్ 2) ఫలితాలను నేషనల్ టెస్టింగ్ ఏజెన్సీ (NTA) విడుదల చేసింది. అధికారికంగా విడుదలైన ఈ ఫలితాలు
వెబ్సైట్లలో అందుబాటులో ఉన్నాయి.
విద్యార్థులు తమ రిజల్ట్స్ను ఈ లింకుల ద్వారా తెలుసుకోవచ్చు. ఫలితాలలో ఫిజిక్స్, కెమిస్ట్రీ, మాథ్స్ సబ్జెక్టులపై విడివిడిగా పర్సెంటైల్ స్కోర్తో పాటు సమగ్ర మార్కుల వివరాలను పొందుపరిచారు.
ఈ ఏడాది అత్యద్భుతంగా 24 మంది విద్యార్థులు 100 పర్సెంటైల్ స్కోర్ సాధించగా, వారిలో రెండు విద్యార్థినులు ఉన్నారు. ఆంధ్రప్రదేశ్ రాష్ట్రంలోని పల్నాడు జిల్లాకి చెందిన గుత్తికొండ సాయి మనోజ్ఞ రెండు సెషన్లలోనూ 100కి 100 మార్కులతో టాప్ ర్యాంక్ సాధించడం గర్వకారణంగా నిలిచింది. పశ్చిమ బెంగాల్కు చెందిన దేవదత్త మాఝీ 99.99921 శాతం మార్కులతో అగ్రస్థానాల్లో నిలిచారు.
100 పర్సెంటైల్ సాధించిన ఇతర విద్యార్థులలో ఎండీ అనాస్, ఆయుష్ సింఘాల్, ఆర్కిస్మాన్ నంది, లక్ష్య శర్మ, కుశాగ్ర గుప్తా, హర్ష్ ఝా, శ్రేయాస్ లోహియా, వంగల అజయ్ రెడ్డి, సాన్నిధ్య షరాఫ్, అర్నవ్ సింగ్ లాంటి ప్రతిభావంతులు ఉన్నారు.
ఎన్టీఏ జారీ చేసిన గణాంకాల ప్రకారం:
మొత్తం పరీక్షకు హాజరైన అభ్యర్థులు: 9,92,350
విద్యార్థినులు: 6,81,871
విద్యార్థులు: 3,10,479
వర్గాలవారీగా హాజరు వివరాలు:
జనరల్ కేటగిరీ: 3,72,675 (విద్యార్థినులు: 2,50,849 | విద్యార్థులు: 1,21,826)
ఓబీసీ కేటగిరీ: 3,74,860 (విద్యార్థినులు: 2,58,274 | విద్యార్థులు: 1,16,586)
ఈడబ్ల్యూఎస్ కేటగిరీ: 1,12,790 (విద్యార్థినులు: 80,200 | విద్యార్థులు: 32,590)
ఎస్సీ కేటగిరీ: 97,887 (విద్యార్థినులు: 68,872 | విద్యార్థులు: 29,015)
ఎస్టీ కేటగిరీ: 34,138 (విద్యార్థినులు: 23,676 | విద్యార్థులు: 10,462)
ఈ ఏడాది విద్యార్థినుల సంఖ్య విద్యార్థుల కంటే అధికంగా ఉండటం ప్రత్యేకంగా రికార్డు అయ్యింది. ఇది విద్యలో మహిళల పురోగతికి స్పష్టమైన సూచనగా పేర్కొనవచ్చు.
.
About the Author
