హైదరాబాద్, బస్ భవన్: సేవా ధృక్పథంతో విధులు నిర్వర్తిస్తూ, సమాజానికి నిబద్ధతను చాటుతున్న టిజిఎస్ ఆర్టిసి ఉద్యోగులను సంస్థ యాజమాన్యం ఘనంగా సత్కరించింది. టిజిఎస్ ఆర్టిసి ఎండీ వీసీ సజ్జనర్, ఐపీఎస్, హైదరాబాద్ బస్ భవన్ లో జరిగిన కార్యక్రమంలో ఈవెంట్లో మణుగూరు, గద్వాల్, జగిత్యాల డిపోలకు చెందిన సిబ్బందిని అభినందించారు.
మానవత్వం చాటుకున్న సంఘటనలు
10 తులాల బంగారు నగలను రక్షించిన డ్రైవర్
మణుగూరు డిపోకు చెందిన డ్రైవర్ కోటేశ్వరరావు తన చాకచక్యంతో ఓ ప్రయాణికురాలి 10 తులాల బంగారు నగలను రక్షించి, పోలీసుల సహాయంతో తిరిగి ఆమెకు అప్పగించారు. మహిళ విలపిస్తుండగా ఆయన అప్రమత్తమై, బస్సులోని ప్రయాణికులను తనిఖీ చేసి, నిందితురాలిని పట్టుకుని, ఆమె వద్ద ఉన్న బ్యాగ్ లో నగలను కనుగొన్నారు.
బస్సులోనే ప్రసవం – RTC సిబ్బంది సహాయం
గద్వాల్ డిపో డ్రైవర్ నరేందర్ గౌడ్, కండక్టర్ కిషోర్ కుమార్ తమ బస్సులో ప్రయాణిస్తున్న గర్భిణికి సహాయం అందించారు. రాయచూర్ నుంచి గద్వాలకు ప్రయాణిస్తుండగా పురిటినొప్పులు వచ్చాయి. వారు 108 అంబులెన్స్ కు సమాచారం ఇచ్చినా, వేగంగా పురిటినొప్పులు పెరగడంతో, సహ ప్రయాణికుల సహాయంతో ఆమెకు ప్రసవం జరిగేలా చేసారు. తల్లి, పాపను ఆస్పత్రికి తరలించి భద్రతను కల్పించారు.
గుండెపోటుతో పడిపడ్డ మహిళకు CPR – ప్రాణాపాయం తప్పిన ప్రయాణికురాలు
జగిత్యాల డిపో మేనేజర్ సునీత బస్ స్టేషన్ లో విధులు నిర్వహిస్తున్నప్పుడు ఒక మహిళ గుండెపోటుతో కింద పడిపోవడం గమనించారు. వెంటనే CPR చేసి ఆమెను తిరిగి ఉచ్ఛ్వాసం తీసుకునేలా చేసి, 108 ద్వారా ఆస్పత్రికి తరలించారు. సమయస్ఫూర్తితో స్పందించడంతో ఆమె ప్రాణాలు కాపాడగలిగారు.
RTC యాజమాన్యం ప్రశంసలు
ఈ ఉదారతను గుర్తించి, RTC ఎండీ వీసీ సజ్జనర్ ఉద్యోగులను అభినందించారు. RTC బస్సుల్లో జన్మించిన పిల్లలకు లైఫ్ టైమ్ ఫ్రీ బస్ పాస్ అందజేయనున్నట్లు తెలిపారు.
ఈ కార్యక్రమంలో CVO రవీందర్, ఈడీలు మునిశేఖర్, ఖుస్రోషా ఖాన్, రాజశేఖర్, ఫైనాన్స్ అడ్వైజర్ విజయపుష్ప తదితర అధికారులు పాల్గొన్నారు.
RTC ఉద్యోగులు కేవలం డ్రైవర్లు, కండక్టర్లు మాత్రమే కాదు – మానవత్వం, సేవా స్పూర్తి గల మహానుభావులు!
—
About the Author
