ఏన్కూర్ బురద రాఘవాపురం పాఠశాలలో పదవ తరగతి విద్యార్థులకు అల్పాహారం ప్రారంభం
ఏన్కూర్, నవంబర్ 01 (వైరా నియోజకవర్గ జిందగీ 9న్యూస్ రిపోర్టర్ : రామునాయక్):
ఖమ్మం జిల్లా ఏన్కూర్ మండలంలోని బురద రాఘవాపురం ఉన్నత పాఠశాలలో పదవ తరగతి విద్యార్థుల కోసం ఉదయం అల్పాహారం కార్యక్రమాన్ని ప్రారంభించారు. ఈ కార్యక్రమాన్ని 01-11-2025 నుండి ప్రారంభించి, పదవ తరగతి పబ్లిక్ పరీక్షలు పూర్తయ్యేంతవరకు కొనసాగించనున్నట్లు ప్రధానోపాధ్యాయులు పి. నాగిరెడ్డి తెలిపారు.
ఈ కార్యక్రమంలో AMO పి. ప్రభాకర్ రెడ్డి, CMO బి. ప్రవీణ్ కుమార్, పంచాయతీ సెక్రటరీ కోటేశ్వర్ రావు, ప్రధానోపాధ్యాయులు పి. నాగిరెడ్డి, ఉపాధ్యాయులు మరియు విద్యార్థులు పాల్గొన్నారు.
ప్రధానోపాధ్యాయులు మాట్లాడుతూ —
“విద్యార్థులు ఉదయం 8 గంటలకల్లా ప్రత్యేక తరగతులకు వస్తున్నారు. చాలామంది అల్పాహారం లేకుండా వస్తుండటంతో ఉపాధ్యాయుల సహకారంతో ఉదయం అల్పాహారం కార్యక్రమాన్ని ప్రారంభించాం. ఆరోగ్యంగా ఉంటేనే విద్యార్థులు శ్రద్ధగా చదవగలరని, ప్రతి విద్యార్థి సకాలంలో పాఠశాలకు వచ్చి అల్పాహారం తీసుకోవాలని సూచిస్తున్నాం,” అని తెలిపారు.
AMO పి. ప్రభాకర్ రెడ్డి మాట్లాడుతూ —
“జిల్లాలోనే మొట్టమొదటిసారిగా ఉపాధ్యాయుల సహకారంతో అల్పాహారం ప్రారంభించడం పాఠశాల సిబ్బందికి గర్వకారణం. విద్యార్థులు ఈ అవకాశాన్ని సద్వినియోగం చేసుకోవాలి,” అని అభినందించారు.
ఈ కార్యక్రమంలో CMO బి. ప్రవీణ్ కుమార్, పంచాయతీ సెక్రటరీలు, ఉపాధ్యాయులు, మధ్యాహ్న భోజన సిబ్బంది పాల్గొన్నారు. దాతలు ముందుకు వచ్చి ఆర్థిక సహకారం అందించాలని వారు కోరారు.
📍 బురద రాఘవాపురం ఉన్నత పాఠశాలలో ఉపాధ్యాయుల సహకారంతో ప్రారంభమైన ఈ అల్పాహార కార్యక్రమం, ఖమ్మం జిల్లాలో విద్యార్థుల సంక్షేమానికి ఆదర్శంగా నిలుస్తోంది.
About the Author
