త్వరలో 5 వేల పోలీసు ఉద్యోగాలకు నోటిఫికేషన్
నిరుద్యోగులకు రేవంత్ రెడ్డి గుడ్ న్యూస్
తెలంగాణ రాష్ట్రంలోని నిరుద్యోగ యువతకు ముఖ్యమంత్రి రేవంత్ రెడ్డి శుభవార్త అందించారు. రాష్ట్రంలో త్వరలోనే సుమారు 5 వేల పోలీసు ఉద్యోగాల భర్తీకి నోటిఫికేషన్ విడుదల చేయనున్నట్లు తెలిపారు.
ఇప్పటికే తమ ప్రభుత్వం అధికారంలోకి వచ్చిన తర్వాత గత 15 నెలల కాలంలో వివిధ శాఖల్లో మొత్తం 67,700 ఉద్యోగాలను భర్తీ చేసినట్లు సీఎం వెల్లడించారు. దేశంలోనే అత్యధికంగా ప్రభుత్వ ఉద్యోగాలు కల్పించిన రాష్ట్రంగా తెలంగాణ నిలిచిందని పేర్కొన్నారు.
యువతకు ఉపాధి అవకాశాలు కల్పించడం ప్రభుత్వ ప్రధాన లక్ష్యమని, పారదర్శకంగా నియామక ప్రక్రియలను చేపడుతున్నామని ఆయన తెలిపారు. త్వరలో విడుదల కానున్న పోలీసు నియామక నోటిఫికేషన్ ద్వారా వేలాది మంది యువతకు ఉద్యోగ అవకాశాలు లభించనున్నాయని చెప్పారు.
ఉద్యోగ నియామకాలతో పాటు విద్య, నైపుణ్యాభివృద్ధి, ఉపాధి రంగాలపై కూడా ప్రభుత్వం ప్రత్యేక దృష్టి సారిస్తున్నట్లు సీఎం రేవంత్ రెడ్డి పేర్కొన్నారు.
About the Author
