బతుకమ్మ వేడుకల్లో తాగునీటి కరవు.. దాహంతో అల్లాడిన మహిళలు, చిన్నారులు!
జమ్మికుంట: తెలంగాణ సంస్కృతి, సంప్రదాయాలకు ప్రతీకగా నిలిచే ఎంగిలిపూల బతుకమ్మ వేడుకల్లో తాగునీటి వసతి కరవు మహిళలు, చిన్నారులను తీవ్ర ఇబ్బందులకు గురిచేసింది. బతుకమ్మ ఆడేందుకు ఉత్సాహంగా తరలివచ్చిన మహిళలు, వారితో వచ్చిన చిన్నారులకు కనీసం తాగునీరు అందుబాటులో లేకపోవడంతో దాహంతో అల్లాడాల్సిన పరిస్థితి నెలకొంది. వేడుకలు నిర్వహించే ప్రాంగణాల్లో తాగునీటి సదుపాయం కల్పించకపోవడంపై ప్రజలు అసంతృప్తి వ్యక్తం చేస్తున్నారు.
వేల సంఖ్యలో మహిళలు, చిన్నారులు తరలివస్తారని తెలిసినా, మున్సిపల్ అధికారులు, నిర్వాహకులు కనీసం వాటర్ క్యాన్లు, తాగునీటి ప్యాకెట్లు అందుబాటులో ఉంచలేదని స్థానికులు ఆరోపిస్తున్నారు. దీంతో దాహం తీర్చుకునేందుకు దూరంగా ఉన్న దుకాణాలకు వెళ్లి వాటర్ బాటిళ్లు కొనుగోలు చేయాల్సి వచ్చిందని పలువురు మహిళలు ఆవేదన వ్యక్తం చేశారు.
తెలంగాణకే ప్రత్యేక గుర్తింపు తెచ్చిన బతుకమ్మ పండుగ వేళ మహిళలు, చిన్నారులకు కనీస మంచినీటి వసతి కల్పించకపోవడం అధికారుల నిర్లక్ష్యానికి నిదర్శనమని స్థానికులు మండిపడుతున్నారు. రానున్న రోజుల్లో నిర్వహించే బతుకమ్మ వేడుకల సందర్భంగా ప్రధాన కూడళ్లు, వేడుకల ప్రాంగణాలు, నిమజ్జన ఘాట్ల వద్ద నిరంతర తాగునీటి సదుపాయం కల్పించాలని ప్రజలు సంబంధిత అధికారులను డిమాండ్ చేస్తున్నారు.
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
