నేషనల్ ఇన్సూరెన్స్ కంపెనీ లిమిటెడ్ (NICL) నుంచి నిరుద్యోగులకు శుభవార్త. జనరలిస్ట్, స్పెషలిస్ట్ విభాగాల్లో మొత్తం 321 అడ్మినిస్ట్రేటివ్ ఆఫీసర్ (AO) స్కేల్-1 పోస్టుల భర్తీకి సంస్థ నోటిఫికేషన్ విడుదల చేసింది. అర్హత కలిగిన అభ్యర్థులు అక్టోబర్ 28, 2026 వరకు ఆన్‌లైన్‌లో దరఖాస్తు చేసుకోవచ్చు.
మొత్తం పోస్టులు: 321
పోస్టుల వివరాలు: జనరలిస్ట్ విభాగంలో 200 పోస్టులు, స్పెషలిస్ట్ విభాగంలో 121 పోస్టులు ఉన్నాయి. స్పెషలిస్ట్ పోస్టుల్లో ఫైనాన్స్ (CA & CMA), లీగల్, ఇన్ఫర్మేషన్ టెక్నాలజీ, ఆటోమొబైల్ ఇంజినీరింగ్, రిస్క్ ఇంజినీరింగ్, కంపెనీ సెక్రటరీ, అగ్రికల్చర్ విభాగాలు ఉన్నాయి.
విద్యార్హతలు: జనరలిస్ట్ పోస్టులకు గుర్తింపు పొందిన విశ్వవిద్యాలయం నుంచి ఏదైనా విభాగంలో డిగ్రీ లేదా పీజీతో కనీసం 60 శాతం మార్కులు ఉండాలి. ఎస్సీ, ఎస్టీ, దివ్యాంగ అభ్యర్థులకు 55 శాతం మార్కులు సరిపోతాయి. స్పెషలిస్ట్ పోస్టులకు సంబంధిత విభాగంలో నిర్దేశించిన విద్యార్హతలు కలిగి ఉండాలి.
వయోపరిమితి: 2026 అక్టోబర్ 1 నాటికి 21 నుంచి 30 సంవత్సరాల మధ్య వయస్సు ఉండాలి. నిబంధనల ప్రకారం ఎస్సీ, ఎస్టీ అభ్యర్థులకు ఐదేళ్లు, ఓబీసీ నాన్‌-క్రీమీ లేయర్ అభ్యర్థులకు మూడేళ్లు వయో సడలింపు ఉంటుంది.
జీతభత్యాలు: ప్రారంభ ప్రాథమిక వేతనం నెలకు రూ.82,485. మెట్రో నగరాల్లో ఇతర అలవెన్సులతో కలిపి నెలకు సుమారు రూ.1,14,000 వేతనం లభించే అవకాశం ఉంది. కంపెనీ నిబంధనల ప్రకారం ఇతర ప్రయోజనాలు కూడా ఉంటాయి.
దరఖాస్తు ఫీజు: ఎస్సీ, ఎస్టీ, దివ్యాంగ అభ్యర్థులకు రూ.250, ఇతర అభ్యర్థులకు రూ.1,000 చెల్లించాలి.
ఎంపిక విధానం: ప్రిలిమినరీ ఆన్‌లైన్ పరీక్ష, మెయిన్స్ పరీక్ష, ఇంటర్వ్యూ ఆధారంగా ఎంపిక చేస్తారు. ప్రిలిమినరీ పరీక్ష 2026 నవంబర్ 17న, మెయిన్స్ పరీక్ష డిసెంబర్ 22న నిర్వహించనున్నట్లు నోటిఫికేషన్‌లో పేర్కొన్నారు.
ముఖ్యమైన తేదీలు: ఆన్‌లైన్ దరఖాస్తుల ప్రారంభం: అక్టోబర్ 8, 2026 దరఖాస్తులకు చివరి తేదీ: అక్టోబర్ 28, 2026 ప్రిలిమినరీ పరీక్ష: నవంబర్ 17, 2026 మెయిన్స్ పరీక్ష: డిసెంబర్ 22, 2026
దరఖాస్తు విధానం: అర్హులైన అభ్యర్థులు NICL అధికారిక వెబ్‌సైట్ https://nationalinsurance.nic.co.in/recruitment ద్వారా ఆన్‌లైన్‌లో దరఖాస్తు చేసుకోవాలి. దరఖాస్తు చేసే ముందు పూర్తి నోటిఫికేషన్‌ను పరిశీలించి, తమ విద్యార్హతలు, వయస్సు, సంబంధిత విభాగానికి సంబంధించిన నిబంధనలను నిర్ధారించుకోవాలి.
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
