UGC-NETలో కీలక మార్పు.. 3 సబ్జెక్టులకు మళ్లీ పరీక్ష
న్యూఢిల్లీ, ఆగస్టు 17 (Zindagi9News): UGC-NET జూన్ 2026 పరీక్షలో ప్రశ్నపత్రాల్లో పలు లోపాలు గుర్తించిన నేపథ్యంలో మూడు సబ్జెక్టులకు మళ్లీ పరీక్ష నిర్వహించాలని నేషనల్ టెస్టింగ్ ఏజెన్సీ (NTA) నిర్ణయించింది.
ఇంగ్లిష్, కామర్స్, సోషియాలజీ పేపర్లలో వాస్తవ, టైపోగ్రాఫికల్, అనువాద, వ్యాకరణ లోపాలతో పాటు గతంలో అడిగిన ప్రశ్నలు పునరావృతమైనట్లు కమిటీ గుర్తించింది. దీంతో ఈ మూడు పరీక్షలను రీ-కండక్ట్ చేయాలని నిర్ణయించారు.
పరీక్షల తేదీలు:
- ఇంగ్లిష్: సెప్టెంబర్ 9, ఉదయం 9 నుంచి మధ్యాహ్నం 12 వరకు
- కామర్స్: సెప్టెంబర్ 9, మధ్యాహ్నం 3 నుంచి సాయంత్రం 6 వరకు
- సోషియాలజీ: సెప్టెంబర్ 10, ఉదయం 9 నుంచి మధ్యాహ్నం 12 వరకు
ఈ మూడు సబ్జెక్టుల అభ్యర్థుల నుంచి అదనపు పరీక్ష ఫీజు వసూలు చేయబోమని NTA స్పష్టం చేసింది. పరీక్ష కేంద్రం, అడ్మిట్ కార్డు వివరాలను తర్వాత అధికారిక వెబ్సైట్లో ప్రకటించనున్నారు.
మిగిలిన 84 సబ్జెక్టుల ఫలితాల ప్రక్రియపై ఈ రీ-ఎగ్జామ్ ప్రభావం ఉండదని NTA తెలిపింది. Assistant Professor అర్హత కోసం అభ్యర్థుల సంఖ్యను జూన్ పరీక్ష లేదా రీ-టెస్ట్లో హాజరైన వారిలో ఎక్కువ సంఖ్యకు 6 శాతంగా పరిగణించనున్నట్లు వెల్లడించింది.
About the Author
