తెలంగాణలో రేపటితో ముగియనున్న SIR గడువు.. 78.14 శాతం డిజిటలైజేషన్ పూర్తి
2.64 కోట్ల మంది ఓటర్లు ఎన్యూమరేషన్ ఫారాలు సమర్పణ.. హైదరాబాద్లో 58.58 శాతం మాత్రమే డిజిటలైజేషన్
హైదరాబాద్, ఆగస్టు 9 (జిందగి9న్యూస్): తెలంగాణలో కొనసాగుతున్న స్పెషల్ ఇంటెన్సివ్ రివిజన్ (SIR) ప్రక్రియకు సంబంధించిన గడువు రేపటితో ముగియనుంది. రాష్ట్రవ్యాప్తంగా ఇప్పటివరకు 2,64,30,494 మంది ఓటర్లు ఎన్యూమరేషన్ ఫారాలను సమర్పించినట్లు అధికారులు వెల్లడించారు.
సమర్పించిన ఎన్యూమరేషన్ ఫారాల్లో ఇప్పటివరకు 78.14 శాతం ఫారాల డిజిటలైజేషన్ పూర్తయినట్లు సమాచారం. మిగిలిన ఫారాల డిజిటలైజేషన్ ప్రక్రియను గడువులోగా పూర్తి చేసేందుకు అధికారులు చర్యలు చేపడుతున్నారు.
జిల్లాల వారీగా పరిశీలిస్తే హైదరాబాద్లో డిజిటలైజేషన్ శాతం అత్యల్పంగా 58.58 శాతంగా నమోదైంది. హైదరాబాద్లో ఇప్పటివరకు 27,74,687 మంది ఓటర్లు ఎన్యూమరేషన్ ఫారాలను సమర్పించినట్లు అధికారులు తెలిపారు.
SIR ప్రక్రియలో భాగంగా ఎన్యూమరేషన్ ఫారాల సేకరణ, వాటి డిజిటలైజేషన్, ఓటర్ల వివరాల పరిశీలన వంటి ప్రక్రియలను అధికారులు చేపడుతున్నారు. గడువు ముగిసేలోగా పెండింగ్లో ఉన్న ఫారాల డిజిటలైజేషన్ను వేగవంతం చేయాలని సంబంధిత అధికారులకు సూచనలు జారీ చేసినట్లు సమాచారం.
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
