తొలకరి ప్రారంభమై, వ్యవసాయ పనులు ముమ్మరంగా సాగుతున్న తరుణంలో, రాష్ట్ర ప్రభుత్వం రైతులకు భారీ శుభవార్త అందించింది. ముఖ్యమంత్రి ఏ. రేవంత్ రెడ్డి ఒక్క మీట నొక్కి “రైతు భరోసా” నిధులను రైతుల ఖాతాల్లోకి జమ చేశారు.
- 🔸 70,11,984 మంది రైతులకు పెట్టుబడి సాయంగా రూ. 9,000 కోట్లు నిధులు విడుదల చేసినట్టు సీఎం తెలిపారు.
- 🔸 రాష్ట్రవ్యాప్తంగా 1 కోటి 49 లక్షల ఎకరాలకు పెట్టుబడి మద్దతు.
- 🔸 నిధులు వచ్చే 9 రోజుల్లో రైతుల ఖాతాల్లో జమ కానున్నట్లు ప్రకటన.
ఈ కార్యక్రమాన్ని ప్రొ. జయశంకర్ వ్యవసాయ విశ్వవిద్యాలయం ఆడిటోరియంలో నిర్వహించారు. ముఖ్యమంత్రి ముందుగా రాష్ట్రంలోని 1600 రైతు వేదికలను వీడియో కాన్ఫరెన్స్ ద్వారా అనుసంధానం చేస్తూ, రైతులతో ముఖాముఖి సంభాషణకు అవకాశం కల్పించారు.
ఈ వీడియో కాన్ఫరెన్స్ ద్వారా రాష్ట్రవ్యాప్తంగా 6.4 లక్షల మంది రైతులు పాల్గొన్నారు. కార్యక్రమానికి ప్రత్యక్షంగా హాజరైన రైతులతో పాటు, వేదికల నుంచి అనుసంధానమైన లక్షలాది మంది రైతులు ఈ మహా కార్యక్రమానికి సాక్షులయ్యారు.
ఈ ఉత్సవంలో ఉప ముఖ్యమంత్రి మల్లు భట్టి విక్రమార్క, వ్యవసాయ శాఖ మంత్రి తుమ్మల నాగేశ్వరరావు, ఇతర మంత్రులు, ఎంపీలు, ఎమ్మెల్సీలు, ప్రభుత్వ అధికారులు పాల్గొన్నారు.
About the Author
