హైదరాబాద్ నగరంలోని జీడిమెట్ల పోలీస్ స్టేషన్ పరిధిలో జరిగిన విషాదకర ఘటన స్థానికులను శోకసంద్రంలో ముంచేసింది. గాజులరామారంలో నివాసం ఉండే తేజస్విని (33) అనే మహిళ తన ఇద్దరు కుమారులు ఆశిష్ రెడ్డి (7), హర్షిత్ రెడ్డి (4)ను వేట కొడవలితో నరికి హత్యచేసిన అనంతరం, ఆరో అంతస్తు నుంచి దూకి ఆత్మహత్య చేసుకుంది.
ఈ సంఘటన గురువారం ఉదయం వెలుగు చూసింది. తేజస్వినికి కంటి సమస్యలు, పిల్లలకు శ్వాసకోశ సంబంధిత వ్యాధులు ఉండడంతో మానసిక ఒత్తిడికి లోనై ఉండవచ్చని పోలీసులు ప్రాథమికంగా అంచనా వేస్తున్నారు. ఘటనా స్థలంలో ఒక ఏడు పేజీల లేఖ లభించింది. అందులో ఆమె తన అనుభవిస్తున్న బాధలు, భర్త నుండి అవసరమైన మద్దతు లేకపోవడం వంటి విషయాలను వివరంగా రాసినట్లు సమాచారం.
పోలీసులు కేసు నమోదు చేసి, మృతదేహాలను పోస్ట్మార్టమ్ నిమిత్తం తరలించి, దర్యాప్తును కొనసాగిస్తున్నారు. ఈ ఘటన సామాజిక సమస్యలపై సమాజం మరింతగా చింతించాల్సిన అవసరాన్ని చూపిస్తుంది.
About the Author
