బీటెక్ సీట్లు ఫస్ట్ ఫేజ్లోనే 93 శాతం భర్తీ
హైదరాబాద్, జూలై 21:తెలంగాణలో ఇంజినీరింగ్ కోర్సుల ఫస్ట్ ఫేజ్ సీట్ల కేటాయింపు ప్రక్రియ ముగిసింది. టెక్నికల్ ఎడ్యుకేషన్ కమిషనర్ శ్రీదేవసేన వెల్లడించిన వివరాల ప్రకారం, రాష్ట్రవ్యాప్తంగా 172 ఇంజినీరింగ్ కాలేజీల్లో ఉన్న 83,054 కన్వీనర్ కోటా సీట్లలో 77,561 సీట్లు భర్తీ అయ్యాయి. ఈ కేటాయింపులో 6,083 సీట్లు ఇకనామిక్వీకర్ సెక్షన్ (EWS) కోటా కింద కేటాయించబడ్డాయి.
ఇందులో అత్యధిక డిమాండ్ కంప్యూటర్ సైన్స్ (CSE), దాని అనుబంధ బ్రాంచ్లకు ఉంది. మొత్తం 58,742 సీట్లలో 57,042 సీట్లు నిండగా, కేవలం 1,700 సీట్లు మాత్రమే మిగిలాయి.
EEE (ట్రిపుల్ ఈ) బ్రాంచ్లో 87.23% సీట్లు భర్తీ కాగా, సివిల్, మెకానికల్ బ్రాంచ్లలో 79.32% సీట్లు నిండాయి.
ఇందులో 82 కాలేజీలు (వాటిలో ఆరు ప్రభుత్వ కాలేజీలు) 100% సీట్ల భర్తీ సాధించాయి.
మొత్తంగా 94,354 మంది అభ్యర్థులు వెబ్ ఆప్షన్లు నమోదు చేయగా, 5,493 సీట్లు మాత్రం ఖాళీగా ఉన్నాయి. తక్కువ ఆప్షన్లు ఇచ్చిన 16,793 మందికి సీట్లు కేటాయించబడలేదు.
విద్యార్థులు జూలై 22 లోపు tgeapcet.nic.in వెబ్సైట్ ద్వారా ఆన్లైన్ సెల్ఫ్ రిపోర్టింగ్ చేయాల్సి ఉంటుందని అధికారులు తెలిపారు.
ఈ ఏడాది తొలిసారిగా ప్రవేశపెట్టిన మాక్ అలాట్మెంట్ విధానం విద్యార్థులకు చాలా ఉపయోగకరంగా మారిందని కమిషనర్ పేర్కొన్నారు. మాక్ కేటాయింపులో వచ్చిన మార్పుల అనంతరం చాలా మంది విద్యార్థులు తగిన మార్పులు చేసుకుని ఆశించిన కాలేజీలను పొందగలిగారు.
About the Author
