తెలంగాణలో బీజేపీ మరో కీలక ఘనవిజయం సాధించింది. తాజా ఎమ్మెల్సీ ఎన్నికల్లో బీజేపీ అభ్యర్థులు రెండు స్థానాల్లో విజయకేతనం ఎగురవేశారు. ఈ విజయాన్ని పురస్కరించుకుని బీజేపీ జాతీయ ప్రధాన కార్యదర్శి బండి సంజయ్ కుమార్ హర్షం వ్యక్తం చేశారు.
“ఇది కేవలం ప్రారంభం మాత్రమే – తెలంగాణలో బీజేపీ బలపడుతోంది!” అని ఆయన అన్నారు.
బండి సంజయ్ మాట్లాడుతూ, “ఈ విజయానికి ప్రధానమంత్రి నరేంద్ర మోదీ మార్గదర్శకం, కేంద్ర హోంమంత్రి అమిత్ షా సహాయం, జాతీయ అధ్యక్షుడు జె.పి. నడ్డా మార్గనిర్దేశం, రాష్ట్ర అధ్యక్షుడు కిషన్ రెడ్డి సహకారం కీలకంగా నిలిచాయి” అని చెప్పారు.
చారిత్రక విజయం
బీజేపీ అభ్యర్థి అంజిరెడ్డి ఘన విజయం సాధించారని, అభివృద్ధికి అడ్డుగా ఉన్న శక్తులను ఓడించారని బండి సంజయ్ తెలిపారు.
కార్యకర్తల త్యాగానికి గౌరవం
ఈ విజయానికి బీజేపీ కార్యకర్తల త్యాగం ముఖ్య కారణమని బండి సంజయ్ అన్నారు. “ప్రదర్శనలు, అరెస్టులు, లాఠీచార్జీలు ఎదుర్కొన్నా వెనక్కి తగ్గని ప్రతి కార్యకర్తకు నా హృదయపూర్వక కృతజ్ఞతలు. మీ అంకితభావంతోనే ఈ చారిత్రక విజయం సాధ్యమైంది” అని పేర్కొన్నారు.
“ఇదే కేవలం ట్రైలర్ – అసలు చిత్రం ఇంకా మిగిలే ఉంది!”
About the Author
