హైదరాబాద్, జూలై 8:రాష్ట్ర ప్రభుత్వంలో అవినీతి దృక్కోణాన్ని మరోసారి బయటపెట్టే ఘటన హైదరాబాద్లో వెలుగుచూసింది. జీఎస్టీ రిజిస్ట్రేషన్ కోసం దరఖాస్తు చేసిన ఫిర్యాదిదారుని వద్ద నుంచి రూ.8,000 లంచం తీసుకుంటూ తెలంగాణ ఏసీబీ అధికారులకు రెడ్ హ్యాండెడ్గా పట్టుబడిన సంఘటన మాధాపూర్లో చోటుచేసుకుంది.
వివరాల్లోకి వెళితే, మాధాపూర్ ప్రాంతానికి చెందిన ఉప రాష్ట్ర పన్నుల అధికారి ఎం. సుధ, ఫిర్యాదిదారుని కంపెనీకి జీఎస్టీ రిజిస్ట్రేషన్ పూర్తి చేసి, జీఎస్టీ నంబరు జారీ చేయడానికి అక్రమంగా రూ.8,000 లంచం డిమాండ్ చేశాడు. నిరాశకు గురైన బాధితుడు వెంటనే ఏసీబీని ఆశ్రయించాడు. అధికారుల సమన్వయంతో ఏర్పాటు చేసిన ఉచ్చులో లంచం తీసుకుంటున్న సమయంలో ఎం. సుధను అదుపులోకి తీసుకున్నారు.
About the Author
