కేశవపురం, జమ్మికుంట, ఏప్రిల్ 4: శ్రీ విద్యారణ్య ఆవాస విద్యాలయం (ఇంగ్లీష్ మీడియం హై స్కూల్), కేశవపురం-జమ్మికుంట పాఠశాలలో వచ్చే విద్యా సంవత్సరం (2025-26) కోసం ప్రవేశ పరీక్షను ఈ నెల 20వ తేదీ ఆదివారం రోజున నిర్వహించనున్నారు. 4వ తరగతి నుండి 10వ తరగతి వరకు ప్రవేశం తీసుకోవాలనుకునే విద్యార్థుల కోసం ఈ పరీక్ష నిర్వహించబడుతుంది.
ప్రవేశ పరీక్ష ఉదయం 11:00 గంటల నుండి మధ్యాహ్నం 12:00 గంటల వరకు నిర్వహించబడుతుంది. రిజిస్ట్రేషన్ ఫీజు రూ.200/-గా నిర్ణయించబడింది. ఈ ఫీజును ప్రవేశ పరీక్ష రోజునే నగదు రూపంలో పాఠశాలలో చెల్లించాల్సి ఉంటుంది. విద్యార్థుల పేర్లు, తరగతుల వివరాలను ముందుగా నమోదు చేసుకోవాలి.
పాఠశాల ప్రధానాచార్యులు తెలిపిన వివరాల ప్రకారం, ఈ ప్రవేశ పరీక్షకు తల్లిదండ్రులు, పూర్వ విద్యార్థులు మరియు పాఠశాల హితైషులు తమ పరిధిలోని విద్యార్థులను ప్రోత్సహించి హాజరయ్యేలా చేయాలని కోరారు. సమాజంలో జరుగుతున్న అనేక విపరీత పోకడలకు విద్య ద్వారానే మార్గదర్శనం సాధ్యమవుతుందని, అందువల్ల ప్రతి ఒక్కరూ ఒక కార్యకర్తలా వ్యవహరించాలని పాఠశాల వర్గాలు కోరాయి.
శ్రీ సరస్వతి విద్యాపీఠం ఆధ్వర్యంలో నడపబడుతున్న ఈ పాఠశాలలో విద్యార్థుల శారీరక, మానసిక, ఆధ్యాత్మిక, నైతిక మరియు సంగీత వికాసంపై ప్రత్యేక శ్రద్ధ తీసుకుంటూ, విద్యతోపాటు జీవన నైపుణ్యాలను కూడా అందిస్తున్నామని ప్రధానాచార్యులు పేర్కొన్నారు.
ప్రవేశ పరీక్షకు రిజిస్ట్రేషన్ కోసం సంప్రదించవలసిన ఫోన్ నెంబర్లు:
సరోత్తమ్ రెడ్డి – 8801671724
సారంగపాణి – 9959481610
మల్లారెడ్డి – 9963151640
కృష్ణమూర్తి – 9704964035
– Zindagi9News ప్రత్యేక ప్రతినిధి
About the Author
