SSC JE 2026 నోటిఫికేషన్ విడుదల.. 1,748 కేంద్ర ప్రభుత్వ ఉద్యోగాలు
న్యూఢిల్లీ, సెప్టెంబర్ 3: కేంద్ర ప్రభుత్వ ఉద్యోగాల కోసం ఎదురుచూస్తున్న ఇంజినీరింగ్ అభ్యర్థులకు స్టాఫ్ సెలక్షన్ కమిషన్ (SSC) గుడ్న్యూస్ చెప్పింది. జూనియర్ ఇంజినీర్ (JE) ఎగ్జామినేషన్–2026 నోటిఫికేషన్ను విడుదల చేసింది. ఈ నియామక ప్రక్రియ ద్వారా వివిధ కేంద్ర ప్రభుత్వ శాఖలు, సంస్థల్లో మొత్తం 1,748 జూనియర్ ఇంజినీర్ పోస్టులను భర్తీ చేయనున్నారు. పోస్టులు గ్రూప్-‘B’ కేటగిరీకి చెందినవి కాగా, పే లెవల్-6లో రూ.35,400–రూ.1,12,400 వేతన శ్రేణి ఉంటుంది.
ముఖ్యమైన తేదీలు
- ఆన్లైన్ దరఖాస్తులు ప్రారంభం: 2 సెప్టెంబర్ 2026
- దరఖాస్తుకు చివరి తేదీ: 22 సెప్టెంబర్ 2026 రాత్రి 11 గంటల వరకు
- ఆన్లైన్ ఫీజు చెల్లింపునకు చివరి తేదీ: 23 సెప్టెంబర్ 2026 రాత్రి 11 గంటల వరకు
- దరఖాస్తుల సవరణకు అవకాశం: 28 నుంచి 30 సెప్టెంబర్ 2026
- పేపర్-I పరీక్ష: అక్టోబర్/నవంబర్ 2026
- పేపర్-II పరీక్ష: డిసెంబర్ 2026
ఏ పోస్టులు?
SSC JE 2026లో ప్రధానంగా సివిల్, ఎలక్ట్రికల్, మెకానికల్, టెలికాం విభాగాల్లో జూనియర్ ఇంజినీర్ పోస్టులతో పాటు ఇండియా మెటీరియాలజికల్ డిపార్ట్మెంట్లో సైంటిఫిక్ అసిస్టెంట్ పోస్టుకు కూడా పరీక్ష నిర్వహించనుంది.
భార్డర్ రోడ్స్ ఆర్గనైజేషన్, CPWD, సెంట్రల్ వాటర్ కమిషన్, మిలిటరీ ఇంజినీర్ సర్వీసెస్, NTRO, టెలికమ్యూనికేషన్ శాఖ తదితర కేంద్ర ప్రభుత్వ సంస్థలు ఈ నియామకంలో ఉన్నాయి.
విద్యార్హతలు
పోస్టును బట్టి విద్యార్హత మారుతుంది. సివిల్, మెకానికల్, ఎలక్ట్రికల్ ఇంజినీరింగ్లో డిగ్రీ లేదా డిప్లొమా అర్హతగా ఉన్న పోస్టులు ఉన్నాయి. కొన్ని పోస్టులకు డిప్లొమాతో పాటు సంబంధిత రంగంలో పని అనుభవం కూడా తప్పనిసరి.
టెలికాం JE పోస్టుకు సంబంధిత ఇంజినీరింగ్/టెక్నాలజీ డిగ్రీ, సైంటిఫిక్ అసిస్టెంట్ పోస్టుకు ఫిజిక్స్తో సైన్స్ డిగ్రీ లేదా సంబంధిత కంప్యూటర్ సైన్స్/ఎలక్ట్రానిక్స్/టెలికమ్యూనికేషన్ అర్హతలు అవసరం.
వయోపరిమితి
పోస్టును బట్టి గరిష్ఠ వయస్సు 30 లేదా 32 సంవత్సరాలు. వయస్సును 1 ఆగస్టు 2026 నాటికి లెక్కిస్తారు. SC/ST అభ్యర్థులకు 5 సంవత్సరాలు, OBCలకు 3 సంవత్సరాల వయో సడలింపు ఉంటుంది. PwBD తదితర కేటగిరీలకు నిబంధనల ప్రకారం అదనపు సడలింపు ఉంటుంది.
దరఖాస్తు ఫీజు
సాధారణ అభ్యర్థులకు రూ.100 దరఖాస్తు ఫీజు. మహిళలు, SC, ST, PwBD, Ex-Servicemen అభ్యర్థులకు ఫీజు నుంచి మినహాయింపు ఉంది. ఫీజును BHIM UPI, నెట్ బ్యాంకింగ్ లేదా డెబిట్ కార్డు ద్వారా ఆన్లైన్లో చెల్లించవచ్చు.
పరీక్ష విధానం
పేపర్-I:
- General Intelligence & Reasoning – 50 ప్రశ్నలు, 50 మార్కులు
- General Awareness – 50 ప్రశ్నలు, 50 మార్కులు
- సంబంధిత ఇంజినీరింగ్ సబ్జెక్ట్ – 100 ప్రశ్నలు, 100 మార్కులు
- మొత్తం 200 ప్రశ్నలు – 200 మార్కులు
- సమయం: 2 గంటలు
పేపర్-II:
- సంబంధిత ఇంజినీరింగ్ సబ్జెక్ట్
- 100 ప్రశ్నలు – 300 మార్కులు
- సమయం: 2 గంటలు
పేపర్-Iలో ప్రతి తప్పు సమాధానానికి 0.25 మార్కు, పేపర్-IIలో ప్రతి తప్పు సమాధానానికి 1 మార్కు నెగెటివ్ మార్కింగ్ ఉంటుంది. పేపర్-I క్వాలిఫయింగ్ స్వభావం కలిగి ఉండగా, తుది మెరిట్ను ప్రధానంగా పేపర్-II మార్కుల ఆధారంగా నిర్ణయిస్తారు.
తెలంగాణ, ఏపీ అభ్యర్థులకు పరీక్ష కేంద్రాలు
SSC సదరన్ రీజియన్ పరిధిలో హైదరాబాద్, కరీంనగర్, వరంగల్, సిద్దిపేటతో పాటు ఆంధ్రప్రదేశ్లో గుంటూరు, కాకినాడ, కర్నూలు, నెల్లూరు, రాజమండ్రి, తిరుపతి, విజయవాడ, విశాఖపట్నం, శ్రీకాకుళం, ఏలూరు తదితర కేంద్రాలు ఉన్నాయి.
అభ్యర్థులు తమకు కావాల్సిన మూడు పరీక్ష కేంద్రాలను ప్రాధాన్యత క్రమంలో ఎంచుకోవచ్చు.
ఎలా దరఖాస్తు చేయాలి?
అభ్యర్థులు ముందుగా SSC కొత్త వెబ్సైట్లో One-Time Registration (OTR) పూర్తి చేసి, అనంతరం SSC JE 2026 ఆన్లైన్ అప్లికేషన్ను సమర్పించాలి. దరఖాస్తును SSC వెబ్సైట్తో పాటు mySSC మొబైల్ యాప్ ద్వారా కూడా సమర్పించవచ్చు.
ముఖ్యంగా: చివరి తేదీ వరకు వేచి ఉండకుండా ముందుగానే దరఖాస్తు చేసుకోవాలని SSC సూచించింది.
అధికారిక నోటిఫికేషన్: https://ssc.gov.in/
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
