రూ.1.38 కోట్ల రద్దయిన పాత నోట్లు పట్టివేత.. 8 మంది అరెస్ట్
కాజీపేట, సెప్టెంబర్ 19: హనుమకొండ జిల్లా కాజీపేటలో రద్దయిన పాత కరెన్సీ నోట్లను అక్రమంగా మార్పిడి చేసేందుకు ప్రయత్నించినట్లు ఆరోపణలు ఎదుర్కొంటున్న ఎనిమిది మందిని పోలీసులు అరెస్ట్ చేశారు. కాజీపేట క్రాస్రోడ్స్ సమీపంలో పోలీసులు వాహన తనిఖీలు నిర్వహిస్తుండగా అనుమానాస్పదంగా కనిపించిన కారును ఆపి తనిఖీ చేయడంతో ఈ వ్యవహారం వెలుగులోకి వచ్చింది.
పోలీసుల వివరాల ప్రకారం.. నిందితుల వద్ద నుంచి రద్దయిన పాత రూ.500, రూ.1,000 నోట్లు మొత్తం రూ.1,38,50,000 ముఖ విలువతో ఉన్న కరెన్సీని స్వాధీనం చేసుకున్నారు. వీటితో పాటు ప్రస్తుతం చలామణిలో ఉన్న రూ.6,000 నగదు, 10 సెల్ఫోన్లు, ఒక కారును పోలీసులు సీజ్ చేశారు.
రద్దయిన పాత నోట్లను చూపించి వాటి స్థానంలో చెల్లుబాటయ్యే నగదును పొందేందుకు నిందితులు ప్రయత్నించినట్లు పోలీసులు అనుమానిస్తున్నారు. కాజీపేట సీఐ జక్కుల శ్యామ్సుందర్ ఆధ్వర్యంలో వాహన తనిఖీలు జరుగుతున్న సమయంలో ఈ ముఠా పట్టుబడినట్లు సమాచారం.
ఈ ఘటనపై పోలీసులు కేసు నమోదు చేసి ఎనిమిది మందిని అరెస్ట్ చేశారు. అనంతరం వారిని రిమాండ్కు తరలించినట్లు తెలిపారు. రద్దయిన నోట్లు నిందితులకు ఎక్కడి నుంచి వచ్చాయి? ఈ వ్యవహారం వెనుక మరెవరైనా ఉన్నారా? అనే కోణాల్లో పోలీసులు దర్యాప్తు కొనసాగిస్తున్నారు.
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
