సెంట్రల్ వేర్‌హౌసింగ్ కార్పొరేషన్‌లో 347 ఉద్యోగాలు.. నవంబర్ 15 వరకు దరఖాస్తుల స్వీకరణ
న్యూఢిల్లీ, అక్టోబర్ 17 (జిందగీ 9 న్యూస్): కేంద్ర ప్రభుత్వ రంగ సంస్థ సెంట్రల్ వేర్‌హౌసింగ్ కార్పొరేషన్ (CWC)లో వివిధ పోస్టుల భర్తీకి నోటిఫికేషన్ విడుదలైంది. మొత్తం 347 పోస్టుల భర్తీకి అర్హులైన అభ్యర్థుల నుంచి ఆన్‌లైన్ దరఖాస్తులను ఆహ్వానిస్తోంది. అసిస్టెంట్ మేనేజర్, జూనియర్ ఎగ్జిక్యూటివ్ తదితర పోస్టులను ఈ నియామక ప్రక్రియ ద్వారా భర్తీ చేయనున్నారు.
పోస్టుల వివరాలు: అసిస్టెంట్ మేనేజర్ (జనరల్) 70, అసిస్టెంట్ మేనేజర్ (టెక్నికల్) 60, అసిస్టెంట్ మేనేజర్ (ఫైనాన్స్) 10, అసిస్టెంట్ మేనేజర్ (ఇంజినీరింగ్–సివిల్) 22, అసిస్టెంట్ మేనేజర్ (ఇంజినీరింగ్–ఎలక్ట్రికల్) 5, అసిస్టెంట్ మేనేజర్ (ఇంజినీరింగ్–మెకానికల్) 4, జూనియర్ ఎగ్జిక్యూటివ్ (జనరల్) 78, జూనియర్ ఎగ్జిక్యూటివ్ (టెక్నికల్) 78 పోస్టులు ఉన్నాయి.
విద్యార్హతలు: అసిస్టెంట్ మేనేజర్ (జనరల్) పోస్టుకు ఏదైనా విభాగంలో రెండేళ్ల పీజీ డిగ్రీ లేదా పీజీ డిప్లొమా ఉండాలి. టెక్నికల్, ఫైనాన్స్, ఇంజినీరింగ్ పోస్టులకు సంబంధిత విభాగాల్లో నిర్దేశిత విద్యార్హతలు అవసరం. జూనియర్ ఎగ్జిక్యూటివ్ (జనరల్) పోస్టుకు ఏదైనా విభాగంలో డిగ్రీతో పాటు కంప్యూటర్ అప్లికేషన్లు, ఎంఎస్ ఆఫీస్‌పై పని పరిజ్ఞానం ఉండాలి. జూనియర్ ఎగ్జిక్యూటివ్ (టెక్నికల్) పోస్టుకు నిర్దేశించిన సైన్స్ లేదా వ్యవసాయ సంబంధిత విభాగాల్లో డిగ్రీ అవసరం.
వయోపరిమితి: అన్ని పోస్టులకు కనీస వయస్సు 18 సంవత్సరాలు. గరిష్ఠ వయస్సు 28 సంవత్సరాలుగా నిర్ణయించారు. ఎస్సీ, ఎస్టీ అభ్యర్థులకు ఐదేళ్లు, ఓబీసీ (నాన్‌-క్రీమీ లేయర్) అభ్యర్థులకు మూడేళ్లు, దివ్యాంగ అభ్యర్థులకు పదేళ్ల వరకు నిబంధనల ప్రకారం వయోపరిమితిలో సడలింపు ఉంటుంది.
జీతభత్యాలు: అసిస్టెంట్ మేనేజర్ పోస్టులకు నెలకు రూ.40,000–రూ.1,40,000 పే స్కేల్, జూనియర్ ఎగ్జిక్యూటివ్ పోస్టులకు రూ.29,000–రూ.93,000 పే స్కేల్‌ను ప్రకటించారు. సంస్థ నిబంధనల ప్రకారం ఇతర అలవెన్సులు కూడా వర్తిస్తాయి.
ఎంపిక విధానం: అసిస్టెంట్ మేనేజర్ పోస్టులకు ఆన్‌లైన్ పరీక్ష, ధ్రువపత్రాల పరిశీలనతో పాటు ఇంటర్వ్యూ నిర్వహిస్తారు. జూనియర్ ఎగ్జిక్యూటివ్ పోస్టులకు ఆన్‌లైన్ పరీక్ష, ధ్రువపత్రాల పరిశీలన ఆధారంగా ఎంపిక ప్రక్రియ ఉంటుంది.
దరఖాస్తు తేదీలు: ఆన్‌లైన్ దరఖాస్తుల స్వీకరణ అక్టోబర్ 17, 2026న ప్రారంభమై నవంబర్ 15, 2026తో ముగుస్తుంది. జనరల్, ఓబీసీ, ఈడబ్ల్యూఎస్ అభ్యర్థులు దరఖాస్తు రుసుము, సమాచార ఛార్జీలతో కలిపి రూ.1,350 చెల్లించాలి. ఎస్సీ, ఎస్టీ, దివ్యాంగులు, మాజీ సైనికులు, మహిళా అభ్యర్థులు రూ.500 సమాచార ఛార్జీలు చెల్లించాలి.
దరఖాస్తు విధానం: అర్హులైన అభ్యర్థులు సెంట్రల్ వేర్‌హౌసింగ్ కార్పొరేషన్ అధికారిక వెబ్‌సైట్ https://cwceportal.com/careers ను సందర్శించి కెరీర్స్ విభాగంలో డైరెక్ట్ రిక్రూట్‌మెంట్–2026 నోటిఫికేషన్ ద్వారా ఆన్‌లైన్‌లో దరఖాస్తు చేసుకోవాలి. పరీక్ష తేదీలను సంస్థ తరువాత ప్రకటించనుంది. అభ్యర్థులు పూర్తి నోటిఫికేషన్‌ను చదివి, అర్హతలను నిర్ధారించుకున్న అనంతరం దరఖాస్తు చేసుకోవాలని సూచించారు.
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
