తెలంగాణ హౌసింగ్ బోర్డులో 25 అసిస్టెంట్ ఇంజనీర్ పోస్టులు.. నెలకు రూ.33,800 జీతం!
హైదరాబాద్: తెలంగాణ హౌసింగ్ బోర్డు (TGHB) పరిధిలో అసిస్టెంట్ ఇంజనీర్ (సివిల్) పోస్టుల భర్తీకి నోటిఫికేషన్ విడుదలైంది. హైదరాబాద్‌లోని CURE ప్రాంతంలో ఇందిరమ్మ ఇళ్లు – అందుబాటు ధరల పట్టణ గృహ నిర్మాణ కార్యక్రమం కోసం అవుట్‌సోర్సింగ్ విధానంలో ఏడాది కాలానికి 25 అసిస్టెంట్ ఇంజనీర్లను నియమించనున్నారు. అర్హులైన అభ్యర్థులు ఆన్‌లైన్‌లో దరఖాస్తు చేసుకోవాలని అధికారులు సూచించారు.
అర్హతలు: గుర్తింపు పొందిన విశ్వవిద్యాలయం లేదా బోర్డు నుంచి సివిల్ ఇంజనీరింగ్‌లో బీఈ/బీటెక్ పూర్తి చేసి ఉండాలి. బహుళ అంతస్తుల నివాస భవనాలు లేదా మౌలిక సదుపాయాల నిర్మాణ పనుల్లో కనీసం రెండేళ్ల అనుభవం తప్పనిసరి. హైరైజ్ ప్రాజెక్టులు, EPC పనులు, క్వాలిటీ కంట్రోల్, క్వాంటిటీ సర్వేయింగ్, ఆటోక్యాడ్, ఎస్టిమేషన్స్‌లో పరిజ్ఞానం ఉన్నవారికి ప్రాధాన్యత ఉంటుంది.
వయోపరిమితి: 2026 జూలై 1 నాటికి కనీసం 18 సంవత్సరాలు, గరిష్ఠంగా 44 సంవత్సరాలు ఉండాలి.
వేతనం: ఎంపికైన అభ్యర్థులకు నెలకు రూ.33,800 కన్సాలిడేటెడ్ రెమ్యునరేషన్ చెల్లిస్తారు. ఉద్యోగ నియామకం అవుట్‌సోర్సింగ్ విధానంలో ఏడాది కాలానికి మాత్రమే ఉంటుంది. దీనివల్ల తెలంగాణ హౌసింగ్ బోర్డులో రెగ్యులర్ ఉద్యోగ నియామక హక్కు లభించదని నోటిఫికేషన్‌లో స్పష్టం చేశారు.
ఎంపిక విధానం: అర్హత పరీక్షలో మెరిట్ ఆధారంగా అభ్యర్థులను ఎంపిక చేసి, అనంతరం తెలంగాణ హౌసింగ్ బోర్డు చీఫ్ ఇంజనీర్ కార్యాలయం, సంబంధిత ఏజెన్సీ సంయుక్తంగా ఇంటర్వ్యూ నిర్వహిస్తాయి.
దరఖాస్తు గడువు: 2026 అక్టోబర్ 8 నుంచి అక్టోబర్ 21వ తేదీ సాయంత్రం 5 గంటల వరకు ఆన్‌లైన్‌లో దరఖాస్తు చేసుకోవచ్చు. గూగుల్ ఫారం ద్వారా మాత్రమే దరఖాస్తులు స్వీకరిస్తారు.
అధికారిక వెబ్‌సైట్:
https://tghb.telangana.gov.in/
అర్హత కలిగిన సివిల్ ఇంజనీరింగ్ అభ్యర్థులు గడువులోగా దరఖాస్తు చేసుకోవాలి.
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
