PGCIL అప్రెంటిస్ రిక్రూట్మెంట్ 2026 నోటిఫికేషన్ విడుదల
తెలంగాణ, ఆంధ్రప్రదేశ్లో అప్రెంటిస్ పోస్టులు.. సెప్టెంబర్ 10 వరకు దరఖాస్తులు
రాత పరీక్ష లేదు.. ఇంటర్వ్యూ లేదు.. మెరిట్ ఆధారంగా ఎంపిక!
సికింద్రాబాద్: పవర్ గ్రిడ్ కార్పొరేషన్ ఆఫ్ ఇండియా లిమిటెడ్ (POWERGRID) ఆధ్వర్యంలో 2026-27 సంవత్సరానికి అప్రెంటిస్ల నియామకానికి నోటిఫికేషన్ విడుదలైంది. కేంద్ర విద్యుత్ మంత్రిత్వ శాఖ పరిధిలోని మహారత్న సంస్థ అయిన POWERGRID.. దక్షిణ ప్రాంతం ట్రాన్స్మిషన్ సిస్టమ్-I (SRTS-I) పరిధిలో ఒక సంవత్సరం అప్రెంటిస్షిప్ శిక్షణ కోసం అర్హులైన అభ్యర్థుల నుంచి ఆన్లైన్ దరఖాస్తులను ఆహ్వానించింది. దరఖాస్తుల స్వీకరణ ఆగస్టు 25 నుంచి సెప్టెంబర్ 10, 2026 వరకు కొనసాగనుంది.
తెలంగాణలో 8 పోస్టులు
నోటిఫికేషన్ ప్రకారం తెలంగాణ రాష్ట్రానికి మొత్తం 8 ట్రైనింగ్ స్లాట్లు ఉన్నాయి. వీటిలో ITI ఎలక్ట్రిషియన్ 2, డిప్లొమా సివిల్ 1, డిప్లొమా ఎలక్ట్రికల్ 4, గ్రాడ్యుయేట్ ఎలక్ట్రికల్ 1 పోస్టులు ఉన్నాయి. తెలంగాణలో SC, ST కేటగిరీలకు పోస్టులు లేవు. OBC (NCL)కి 2, UR కేటగిరీకి 6 పోస్టులు ఉన్నాయి.
ఏపీలో 14 పోస్టులు
ఆంధ్రప్రదేశ్కు మొత్తం 14 ట్రైనింగ్ స్లాట్లు కేటాయించారు. ITI ఎలక్ట్రిషియన్ 3, డిప్లొమా సివిల్ 3, డిప్లొమా ఎలక్ట్రికల్ 6, గ్రాడ్యుయేట్ ఎలక్ట్రికల్ 2 పోస్టులు ఉన్నాయి. వీటిలో SCకి 1, OBC (NCL)కి 5, URకి 8 పోస్టులు ఉన్నాయి. డిప్లొమా ఎలక్ట్రికల్లో ఒక PwBD స్లాట్ కూడా ఉంది.
విద్యార్హతలు, స్టైపెండ్
ITI ఎలక్ట్రిషియన్: గుర్తింపు పొందిన సంస్థ నుంచి ITIలో ఎలక్ట్రిషియన్ ట్రేడ్ పూర్తి చేసి ఉండాలి. నెలకు రూ.13,500 స్టైపెండ్ అందుతుంది.
డిప్లొమా సివిల్: సివిల్ ఇంజినీరింగ్లో డిప్లొమా ఉండాలి. నెలకు రూ.15,000 స్టైపెండ్.
డిప్లొమా ఎలక్ట్రికల్: ఎలక్ట్రికల్ ఇంజినీరింగ్లో డిప్లొమా ఉండాలి. నెలకు రూ.15,000 స్టైపెండ్.
గ్రాడ్యుయేట్ ఎలక్ట్రికల్: B.E./B.Tech/B.Sc (Engg.)లో ఎలక్ట్రికల్ ఇంజినీరింగ్ అర్హత ఉండాలి. నెలకు రూ.17,500 స్టైపెండ్. డిప్లొమా, గ్రాడ్యుయేట్ కేటగిరీల్లో పేర్కొన్న స్టైపెండ్లో ప్రభుత్వం నుంచి DBT మొత్తాలు కూడా కలిగి ఉంటాయి. కంపెనీ వసతి కల్పించకపోతే లేదా అభ్యర్థి వసతి వినియోగించుకోకపోతే అదనంగా నెలకు రూ.2,500 చెల్లిస్తారు.
ఎవరు దరఖాస్తు చేసుకోవచ్చు?
నోటిఫికేషన్లో పేర్కొన్న విద్యార్హతలు కలిగి ఉండటంతో పాటు, దరఖాస్తు చివరి తేదీ నాటికి గత రెండేళ్లలోపు తుది పరీక్షలో ఉత్తీర్ణులైన వారు అర్హులు. అంటే 11-09-2024 నుంచి 10-09-2026 మధ్య ఉత్తీర్ణులై ఉండాలి. అభ్యర్థులకు కనీసం 18 సంవత్సరాల వయస్సు పూర్తై ఉండాలి.
తుది పరీక్ష ఫలితాల కోసం ఎదురుచూస్తున్న వారు, 18 ఏళ్లు పూర్తి కానివారు, ఇప్పటికే ఏదైనా సంస్థలో అప్రెంటిస్షిప్ చేసిన లేదా చేస్తున్న వారు, అలాగే ఒక సంవత్సరం కంటే ఎక్కువ ఉద్యోగ అనుభవం ఉన్నవారు దరఖాస్తు చేసుకోవడానికి అర్హులు కాదు. పార్ట్టైమ్, కరస్పాండెన్స్, డిస్టెన్స్ లేదా ఆన్లైన్ విధానంలో పొందిన విద్యార్హతలను అర్హతగా పరిగణించరు.
అవసరమైన పత్రాలు
అభ్యర్థులు NAPS/NATS అప్రెంటిస్షిప్ రిజిస్ట్రేషన్/ఎన్రోల్మెంట్ నంబర్తో పాటు ప్రొఫైల్ను పూర్తిగా అప్డేట్ చేసి ఉండాలి. విద్యార్హత సర్టిఫికెట్లు, మార్కుల మెమోలు, వయస్సు ధ్రువీకరణ పత్రం, వర్తిస్తే SC/ST/OBC(NCL)/PwBD సర్టిఫికెట్లు, DBT enabled బ్యాంక్ ఖాతాకు సంబంధించిన క్యాన్సిల్ చెక్ లేదా పాస్బుక్ మొదటి పేజీ, తాజా పాస్పోర్ట్ సైజ్ ఫొటో, సంతకం తదితరాలను సిద్ధంగా ఉంచుకోవాలి.
అభ్యర్థి ఆధార్కు సీడ్ చేసిన, DBTకు అనుకూలమైన బ్యాంక్ ఖాతాను కలిగి ఉండాలి. 10వ తరగతి సర్టిఫికెట్, ఆధార్, బ్యాంక్ ఖాతాలోని పేరు, పుట్టిన తేదీ ఒకే విధంగా ఉండాలని నోటిఫికేషన్ స్పష్టం చేసింది.
దరఖాస్తు ఎలా చేయాలి?
ముందుగా ITI ఎలక్ట్రిషియన్ అభ్యర్థులు NAPSలో, డిగ్రీ/డిప్లొమా ఇంజినీరింగ్ అభ్యర్థులు NATSలో రిజిస్ట్రేషన్ చేసుకోవాలి. అవసరమైన పత్రాలతో ప్రొఫైల్ను పూర్తి చేసి NAPS/NATS రిజిస్ట్రేషన్ లేదా ఎన్రోల్మెంట్ నంబర్ పొందాలి.
తర్వాత POWERGRID అధికారిక వెబ్సైట్లో Careers → Engagement of Apprentices → Apply Online ద్వారా దరఖాస్తు చేసుకోవాలి. ఇతర మార్గాల్లో దరఖాస్తులను స్వీకరించరు. దరఖాస్తు రుసుము లేదు. రాత పరీక్ష, ఇంటర్వ్యూ కూడా ఉండవు.
మెరిట్ ఆధారంగా ఎంపిక
అభ్యర్థుల ఎంపిక సంబంధిత ట్రేడ్కు అవసరమైన విద్యార్హత, మెరిట్ మరియు అందుబాటులో ఉన్న ట్రైనింగ్ స్లాట్ల ఆధారంగా జరుగుతుంది. మెరిట్ క్రమంలో ట్రైనింగ్ స్లాట్లకు 1:5 నిష్పత్తిలో అభ్యర్థులను డాక్యుమెంట్ వెరిఫికేషన్కు పిలుస్తారు. ఎంపికైన వారికి రిజిస్టర్డ్ ఈ-మెయిల్ ద్వారా సమాచారం అందుతుంది.
డాక్యుమెంట్ వెరిఫికేషన్కు హాజరైన, అర్హతలు కలిగిన అభ్యర్థులతో తుది మెరిట్ జాబితా రూపొందిస్తారు. అనంతరం NATS/NAPSలో ట్రైపార్టైట్ అప్రెంటిస్షిప్ కాంట్రాక్ట్, మెడికల్ సర్టిఫికెట్, పోలీస్ వెరిఫికేషన్ పూర్తయిన తర్వాత అప్రెంటిస్గా నియమిస్తారు.
ఒక సంవత్సరం శిక్షణ
అప్రెంటిస్షిప్ శిక్షణ వ్యవధి ఒక సంవత్సరం. శిక్షణ పూర్తయిన తర్వాత ఎలాంటి పొడిగింపు ఉండదు. శిక్షణ సమయంలో ఇతర రెగ్యులర్ కోర్సు లేదా ఉద్యోగంలో చేరడానికి అనుమతి లేదు. శిక్షణ కేంద్రం కంపెనీ అవసరాలు, అందుబాటులో ఉన్న సదుపాయాల ఆధారంగా నిర్ణయిస్తారు. అవసరాన్ని బట్టి శిక్షణ సమయంలో కేంద్రాన్ని మార్చే అవకాశం కూడా ఉంది.
తెలంగాణలో శిక్షణ కేంద్రాలు
తెలంగాణలో ప్రతిపాదిత శిక్షణ కేంద్రాలుగా RHQ సికింద్రాబాద్, ఘట్కేసర్, ఖమ్మం, మహేశ్వరం, వరంగల్, నిజామాబాద్, బీదర్, షాద్నగర్, జహీరాబాద్ ప్రాంతాలను నోటిఫికేషన్లో పేర్కొన్నారు. అయితే శిక్షణ కేంద్రం కంపెనీ అవసరాలు, సదుపాయాల లభ్యత ఆధారంగా కేటాయిస్తారు.
ముఖ్య తేదీలు
ఆన్లైన్ దరఖాస్తుల ప్రారంభం: 25-08-2026
దరఖాస్తుకు చివరి తేదీ: 10-09-2026
అప్రెంటిస్షిప్ వ్యవధి: ఒక సంవత్సరం
దరఖాస్తు రుసుము: లేదు
రాత పరీక్ష/ఇంటర్వ్యూ: లేదు
అధికారిక వెబ్సైట్
అభ్యర్థులు దరఖాస్తు చేసుకునేందుకు POWERGRID అధికారిక వెబ్సైట్లోని Engagement of Apprentices పేజీని సందర్శించాలి.
POWERGRID అధికారిక వెబ్సైట్:
https://www.powergrid.in/
అప్రెంటిస్ దరఖాస్తు పేజీ:
https://www.powergrid.in/en/rolling-advertisement-for-enagagement-of-apprentices
అధికారిక నోటిఫికేషన్:
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
