నకిలీ నోట్ల ముఠా గుట్టురట్టు: వరంగల్ పోలీసుల ఆపరేషన్.. ఎనిమిది మంది అరెస్టు!
వరంగల్, మే 04: సినిమా కథను తలపించేలా నకిలీ నోట్ల ముద్రణ, కెమికల్ ట్రిక్లతో మోసాలకు పాల్పడుతున్న ముఠాను వరంగల్ పోలీసులు ఛేదించారు. టాస్క్ఫోర్స్ మరియు నర్సంపేట పోలీసులు సంయుక్తంగా నిర్వహించిన ఆపరేషన్లో మొత్తం 8 మంది నిందితులను అరెస్ట్ చేశారు.
ఈ కేసుకు సంబంధించిన వివరాలను ఈస్ట్ జోన్ డీసీపీ అంకిత్ కుమార్ వెల్లడించారు. నిందితులు రెండు వర్గాలుగా పని చేస్తున్నట్లు పోలీసులు గుర్తించారు.
నకిలీ నోట్ల ముద్రణ ముఠా:
నర్సంపేటకు చెందిన శాగంటి కిరణ్, నీరటి శివ, నీరటి రంజిత్ ల్యాప్టాప్లు, కలర్ ప్రింటర్ల సహాయంతో అసలు నోట్లకు సమానంగా కనిపించే నకిలీ నోట్లను తయారు చేసి మార్కెట్లో చలామణి చేస్తున్నారు.
1:3 స్కీమ్ పేరుతో మోసం:
గుడికందుల రవి, రాజ్కుమార్, రాజశేఖర్, యాకంబరం, సాయికిరణ్ అనే ఐదుగురు సభ్యులు “ఒక రూపాయి ఇస్తే మూడు రూపాయలు ఇస్తాం” అని నమ్మబలికి బాధితులను మోసం చేస్తున్నారు.
కెమికల్ ట్రిక్తో మోసం
నిందితులు బాధితులను నమ్మించేందుకు ఒక కెమికల్ ట్రిక్ ఉపయోగించారు.
రూ.500 నోటును అయోడిన్ టింక్చర్లో ముంచి నల్లగా మార్చి, తరువాత “హైపో” ద్రావణంలో ముంచి మళ్లీ సాధారణ నోటుగా చూపించేవారు. దీంతో బాధితులు మోసపోయి పెద్ద మొత్తంలో నగదు కోల్పోయారు.
స్వాధీనం చేసిన వస్తువులు
నగదు (నకిలీ & అసలు కలిపి): ₹1,48,000
ల్యాప్టాప్లు, ప్రింటర్లు: సుమారు ₹28 లక్షల విలువ
సెల్ఫోన్లు: 13
కార్లు: 2
నిందితుల వివరాలు
శాగంటి కిరణ్, నీరటి శివ, నీరటి రంజిత్, గుడికందుల రవి (నర్సంపేట), పోరిక రాజ్కుమార్ (ములుగు), తనమాల రాజశేఖర్ (ఖమ్మం), ముదురుకోల యాకంబరం (భువనగిరి), చేను సాయికిరణ్ (కొత్తగూడెం)లను పోలీసులు అరెస్ట్ చేశారు.
వీరు గతంలోనూ ములుగు, సికింద్రాబాద్, హైదరాబాద్ ప్రాంతాల్లో ఇలాంటి మోసాలకు పాల్పడి జైలుకు వెళ్లినట్లు విచారణలో తేలింది.
పోలీసుల అభినందన
ఈ కేసులో చాకచక్యంగా వ్యవహరించిన టాస్క్ఫోర్స్ ఏసీపీ మదుసూధన్, నర్సంపేట ఏసీపీ రవీందర్ రెడ్డి మరియు వారి బృందాన్ని పోలీస్ కమిషనర్ ప్రత్యేకంగా అభినందించారు.
⚠️ ప్రజలకు హెచ్చరిక:
ఇలాంటి “డబ్బు రెట్టింపు” ఆఫర్లను నమ్మకండి. అనుమానాస్పద కార్యకలాపాలు కనిపిస్తే వెంటనే పోలీసులకు సమాచారం ఇవ్వాలని అధికారులు సూచించారు.
About the Author
Today's Best Deals
Affiliate Disclosure: Some links on this page are affiliate links. Zindagi9News may earn a commission from qualifying purchases.
