విలక్షణ నటనకు చిరునామా… కోట శ్రీనివాసరావు ఇక లేరు

హైదరాబాద్, జూలై 13 | Zindagi9News

తెలుగు సినీ లోకం ఒక గొప్ప నటుడిని కోల్పోయింది. ప్రముఖ నటుడు, పద్మశ్రీ అవార్డు గ్రహీత కోట శ్రీనివాసరావు ఇవాళ తెల్లవారుజామున 4:00 గంటలకు తుదిశ్వాస విడిచారు. వయస్సు 83. కొన్ని రోజులుగా అనారోగ్యంతో బాధపడుతున్న ఆయన హైదరాబాద్‌లో చికిత్స పొందుతూ కన్నుమూశారు. మధ్యాహ్నం 3:30 గంటలకు మహాప్రస్థానంలో అంత్యక్రియలు జరుగనున్నాయి.

నటనలో ఓ విద్యాసంస్థ

1942, జూలై 10న కృష్ణా జిల్లా కంకిపాడులో జన్మించిన కోట శ్రీనివాసరావు , 1978లో ‘ప్రాణం ఖరీదు’ సినిమాతో సినీరంగ ప్రవేశం చేశారు. 750కి పైగా సినిమాల్లో ఆయన నటించి తెలుగు ప్రేక్షకులను అలరించారు. 9 నంది అవార్డులు పొందిన ఆయనకు 2015లో పద్మశ్రీ పురస్కారం లభించింది.

రాజకీయాల్లో అడుగుపెట్టి

1999లో ఆయన విజయవాడ ఈస్ట్ ఎమ్మెల్యేగా విజయం సాధించారు. సినీ రంగంతో పాటు ప్రజాసేవలోనూ నిలిచారు.

ప్రముఖుల స్పందనలు

కోట శ్రీనివాసరావు గారి జీవిత విశేషాలు

• జననం: జూలై 10, 1942 – కంకిపాడు, కృష్ణా జిల్లా
• మొదటి సినిమా: ప్రాణం ఖరీదు (1978)
• సినిమాలు: 750+
• నంది అవార్డులు: 9
• పద్మశ్రీ పురస్కారం: 2015
• ఎమ్మెల్యేగా సేవ: విజయవాడ ఈస్ట్, 1999
• మరణం: జూలై 13, 2025 ఉదయం 4 గంటలకు