హనుమకొండ నయీం నగర్లోని తేజస్వి స్కూల్లో దుర్ఘటన చోటుచేసుకుంది. పదో తరగతి చదువుతున్న జయంత్ వర్ధన్ (15) స్కూల్ మైదానంలో కుప్పకూలి మృతిచెందాడు.
వివరాల్లోకి వెళ్తే—రోజువారీలా ఉదయం స్కూల్కు వెళ్లిన జయంత్ వర్ధన్, మధ్యాహ్నం క్రీడల్లో పాల్గొంటున్న సమయంలో అకస్మాత్తుగా కుప్పకూలిపోయాడు. వెంటనే టీచర్లు వైద్యులను సంప్రదించినా అప్పటికే బాలుడు మృతిచెందినట్లు తేలింది.
ఈ ఘటనపై బాలుడి తల్లిదండ్రులు తీవ్ర అనుమానాలు వ్యక్తం చేస్తున్నారు. ముక్కు నుంచి రక్తం ఆనవాళ్లు కనిపించాయని, దీనిపై పోలీసులు స్పష్టత ఇవ్వాలని కోరుతున్నారు.
సూచన అందుకున్న వెంటనే పోలీసులు స్కూలుకు చేరుకొని దర్యాప్తు ప్రారంభించారు. సీసీటీవీ ఫుటేజ్ను పరిశీలించి ఘటనపై విచారణ జరుపుతున్నారు.
ఈ సంఘటనతో ప్రాంతంలో విషాదం అలుముకుంది.
About the Author
