వనపర్తిలో 108 అంబులెన్స్ సేవలకు కొత్త డిస్ట్రిక్ట్ మేనేజర్
వనపర్తి, ఫిబ్రవరి 22: వనపర్తి జిల్లాలో అత్యవసర వైద్య సేవలను మరింత బలోపేతం చేయాలనే లక్ష్యంతో 108 అంబులెన్స్ సేవల డిస్ట్రిక్ట్ మేనేజర్గా డి. రత్నమయ్య అదనపు బాధ్యతలు స్వీకరించారు.ఈ సందర్భంగా ఆయన మాట్లాడుతూ, అత్యవసర పరిస్థితుల్లో ప్రజలకు వేగవంతమైన మరియు సమర్థవంతమైన వైద్య సహాయం అందించడంలో GVK EMRI నిర్వహిస్తున్న 108 మరియు 102 అంబులెన్స్ సేవలు కీలక పాత్ర పోషిస్తున్నాయని తెలిపారు. జిల్లాలో ఈ సేవలు 24 గంటలపాటు అందుబాటులో ఉండేలా పర్యవేక్షణను మరింత కట్టుదిట్టం చేస్తామని పేర్కొన్నారు.సేవల నాణ్యతను మెరుగుపరచడం, కాల్ వచ్చిన వెంటనే స్పందించే విధంగా సిబ్బందికి మార్గదర్శకాలు జారీ చేయడం, అంబులెన్స్ సదుపాయాలను సమీక్షించడం వంటి చర్యలు తీసుకుంటామని ఆయన హామీ ఇచ్చారు.
ప్రజలు అత్యవసర పరిస్థితుల్లో ఆలస్యం చేయకుండా 108 లేదా 102 నంబర్లకు కాల్ చేసి సేవలను వినియోగించుకోవాలని కోరారు. జిల్లా ప్రజలకు నాణ్యమైన అత్యవసర వైద్య సేవలు అందించడమే తమ ప్రధాన లక్ష్యమని డి. రత్నమయ్య తెలిపారు.
About the Author
