అహ్మదాబాద్, జూన్ 12 : గుజరాత్ రాజధాని అహ్మదాబాద్లోని విమానాశ్రయం సమీపంలో ఘోర విమాన ప్రమాదం చోటు చేసుకుంది. లండన్కు బయలుదేరిన ఎయిర్ ఇండియా విమానం టేకాఫ్ అయిన కొద్ది సేపటికే కుప్పకూలింది. ఈ ఘటన దేశవ్యాప్తంగా తీవ్ర దిగ్భ్రాంతిని కలిగిస్తోంది.
విమానంలో మొత్తం 242 మంది ప్రయాణికులు ఉన్నారని అధికారులు తెలిపారు. ఇప్పటి వరకు 110 మంది ప్రయాణికులు ప్రాణాలు కోల్పోయినట్లు అధికారికంగా నిర్ధారణ అయింది. మిగిలినవారిలో చాలామంది తీవ్రంగా గాయపడ్డారు. రెస్క్యూ బృందాలు మంటలను ఆర్పేందుకు, ప్రయాణికులను కాపాడేందుకు యుద్ధ ప్రాతిపదికన సహాయక చర్యలు చేపట్టాయి.
🔥 విమాన ప్రమాదంలో గుజరాత్ మాజీ సీఎం విజయ్ రూపానీ మృతి
ఈ ప్రమాదంలో గుజరాత్ మాజీ ముఖ్యమంత్రి విజయ్ రూపానీ మరణించినట్టు అధికార వర్గాలు ధృవీకరించాయి. ఆయన లండన్ వెళ్లేందుకు విమానంలో ప్రయాణిస్తున్నట్టు సమాచారం. ఈ వార్తతో గుజరాత్ రాజకీయ వర్గాల్లో విషాదచాయలు అలముకున్నాయి.
🗣️ ప్రధాని మోదీ స్పందన
ప్రమాదంపై ప్రధాన మంత్రి నరేంద్ర మోదీ స్పందిస్తూ,
> “ఈ విషాద ఘటన దిగ్భ్రాంతికి గురి చేసింది మరియు బాధపెట్టింది. ఇది మాటల్లో చెప్పలేని హృదయ విదారక ఘటన. బాధిత కుటుంబాలకు నా ప్రగాఢ సానుభూతి తెలియజేస్తున్నాను. సహాయ చర్యల కోసం మంత్రులు, అధికారులతో నేను నేరుగా సంప్రదిస్తున్నాను” అని ట్వీట్ చేశారు.
About the Author
